धादिङको आदमघाटमा हाइस र ट्रक ठोकिँदा १६ जना घाइते

धादिङ । धादिङको आदमघाटमा हाइस र ट्रक ठोकिँदा घाइते हुनेको संख्या १६ पुगेको छ ।

घाइतेमध्ये तीनजनाको अवस्था गम्भीर रहेको छ । उनीहरूलाई उपचारका लागि काठमाडौंको ट्रमा सेन्टर रिफर गरिएको छ । पोखराबाट काठमाडौं आउँदै गरेको ग २ ख ६६६ नम्बरको हाइस र विपरित दिशाबाट आउँदै गरेको ना ६ ७१८ नम्बरको ट्रक धादिङको गल्छी गाउँपालिका- ४ स्थित आदमघाटमा ठोकिँदा उक्त दुर्घटना भएको हो। धादिङ प्रहरीका अनुसार बिहीबार दिउँसो करिब साढे दुई बजे दुर्घटना भएको प्रहरीले जानएको छ ।

दुवै सवारी साधन र ट्रक चालकलाई नियन्त्रणमा लिइ अनुसन्धान भइरहेको प्रहरीले जनाएको छ ।