आर्मी र बागमती बराबरीमा रोकिए, कस्तो भयो अंक तालिका ?

काठमाडौँ । जारी जय ट्रफी एलिट कप बहुदिवसिय प्रतियोगितामा त्रिभुवन आर्मी क्लब र बागमती प्रदेशबीचको खेल बराबरी भएको छ । 

जनकपुरमा सम्पन्न खेलमा बागमती प्रदेशले पाएको २०४ रनको लक्ष्य पछ्याउदै ५ विकेट गुमाएर ८० रन बनाउदा खेल सकिएपछि खेल बराबरी भएको हो । 

यस अघि आर्मीले पहिला ब्याटिंग गर्दै ५ विकेट गुमाएर २७६ रन बनाएको थियो भने बागमतीले पहिलो इनिंगमा ९ विकेट गुमाएर २०० रन बनाएको थियो । त्यसपछि आर्मीले दोस्रो इनिंगमा ८ विकेट गुमाएर १२७ रन बनाउदै बागमतीलाई २०४ रनको लक्ष्य दिएको थियो । 

यो बराबरीपछि आर्मीको २ खेलमा ३० अंक भएको छ र अंक तालिकामा दोस्रो स्थानमा रहेको छ ।  त्यस्तै बागमती प्रदेशको २८ अंक रहेको छ र तेस्रो स्थानमा रहेको छ । त्यसैगरी अर्को खेलमा पुलिस क्लबले मधेसविरुद्ध जित निकाल्दै २ खेलमा ४० अंकसहित शिर्ष स्थानमा रहेको छ ।  त्यस्तै मधेसको भने २ खेलमा २१ अंक रहेको छ ।