टोटनह्याममाथि न्यूक्यासलको सहज जित

काठमाडौँ । न्यूक्यासल युनाइटेडले इङलिश प्रिमियर लिग अन्तर्गत टोटनह्यामलाई पराजित गरेको छ ।

शनिबार सम्पन्न खेलमा न्यूक्यासल युनाइटेडले टोटनह्यामलाई २-१ गोल अन्तरले पराजित गरेको हो ।

न्यूक्यासलको जितमा एन्थोनी गोर्डन र अलेक्जाण्डर इसकले एक एक गोल गरेका थिए । त्यस्तै टोटनह्यामका लागि एक गोल डोमिनिक सोलान्कले गरेका थिए ।

यो जितपछि न्यूक्यासलको २० खेलमा ३५ अंक भएको छ र लिगमा पाँचौं स्थानमा रहेको छ । त्यस्तै टोटनह्यामको २० खेलमा २४ अंक रहेको छ र लिगमा ११औं स्थानमा रहेको छ ।