- २०८१ पौष २३ मंगलबार
काठमाडौँ । तेस्रो टेस्ट च्याम्पियनसिपको फाइनलमा पुग्ने दुई देशको टुंगो लागेको छ । तेस्रो टेस्ट च्याम्पियनसिपको फाइनलमा अस्ट्रेलिया र दक्षिण अफ्रिका खेल्ने भएका हुन् ।
दक्षिण अफ्रीका यसअघि नै टेस्ट च्याम्पियनसिपको फाइनलमा पुगेको थियो भने अस्ट्रेलियाले भारतविरुद्धको बोर्डर गावस्कर सिरिज ३-१ ले जितेर फाइनलमा पुगेको छ ।
सिरिज हारसँगै भारत टेस्ट च्याम्पियन्सिपको फाइनलबाट बाहिरिएको छ । भारत यस अघिका दुवै च्याम्पियन्सिपको फाइनलमा पुगेको थियो र दुवै पटक उपविजेता बनेको थियो ।
२०१९-२०२१ साइकलमा भएको पहिलो टेस्ट च्याम्पियनसिपमा न्यूजील्याण्ड भारतलाई हराउदै च्याम्पियन बनेको थियो । त्यस्तै २०२१ देखि २०२३ साइकलमा अस्ट्रेलिया भारतलाई हराउदै च्याम्पियन बनेको थियो ।
तेस्रो टेस्ट च्याम्पियनसिपको फाइनल खेल आगामी जुन ११ देखि १५ जुनसम्म इङल्याण्डको लर्ड्स क्रिकेट मैदानमा हुदै छ ।
2024-12-15-07-07-27.gif)
