इन्टर मिलान इटालियन सुपर कोपाको फाइनलमा

काठमाडौं । इन्टर मिलान इटालियन सुपर कोपाको फाइनलमा पुगेको छ ।

गएराति सम्पन्न खेलमा एटलान्टामाथि २-० को जित हात पार्दै इन्टर मिलान सुपर कोपाको फाइनलमा प्रवेश गरेको हो ।
इन्टर मिलानको जितमा डेन्जेल डम्फ्रिजले दुवै गोल गरेका थिए ।

पहिलो हाफ गोल रहित बराबरी रहेको खेलमा खेलको ४९औं मिनेटमा डम्फ्रिजको गोल मार्फत इन्टर मिलानले सुरूआती अग्रता बनाएको थियो । त्यसपछि ६१औं मिनेटमा डम्फ्रिजले अर्को गोल गर्दै इन्टर मिलानको अग्रता दोब्बर बनाएका थिए । 

अब इन्टर मिलानले मंगलबार हुने फाइनल खेलमा युभेन्टस र एसी मिलानबीचको दोस्रो सेमिफाइनलको विजेतासँग प्रतिस्पर्धा गर्ने छ । दोस्रो सेमिफाइनल खेल आज राति खेलिने तालिका रहेको छ ।