- २०८१ पौष २६ शुक्रबार
काठमाडौँ । जारी जय ट्रफी एलिट कप बहुदिवसीय प्रतियोगितामा नेपाल पुलिस क्लबले मधेश प्रदेशलाई इनिंग र ३५ रनले पराजित गरेको छ ।
विहिबार वीरगञ्जमा दोस्रो इनिंगमा मधेश प्रदेशलाई ९४ रनमै अलआउट गरेपछि पुलिसले पहिलो जित निकालेको हो ।
दोस्रो इनिंगमा मधेशलाई अल आउट गर्नेक्रममा पुलिसका कुशल भुर्तेलले सर्बाधिक ५ विकेट लिएका थिए भने गुलशन झाले ३ र ललित राजबंशीले २ विकेट लिएका थिए । त्यस्तै मधेश प्रदेशका लागि विशाल पटेलले सर्बाधिक २७ रन र मयन यादवले २२ रन बनाएका थिए ।
यस अघि यस खेलमा पहिला ब्याटिंग गर्दै मधेश प्रदेशले १२९ रन बनाएको थियो बहने पुलिस क्लबले ४ विकेट गुमाउदै २५८ रन बनाएपछि पारी घोषणा गरेको थियो ।
यो जितपछि पुलिस क्लबले २ खेलमा ४० अंक जोडेको छ भने मधेश प्रदेशले २१ अंक जोडेको छ । साथै पुलिस अंक तालिकामा शिर्ष स्थानमा पुगेको छ । अघिल्लो खेलमा पुलिसले आर्मी र मधेशले बागमती प्रदेशसँग बराबरी खेलेका थिए । अघिल्लो खेलमा १५ अंक जोडेको पुलिसले यो जितपछि दोस्रो खेलमा २५ अंक जोडेको छ भने मधेस प्रदेशले दोस्रो खेलमा ६ अंक मात्र जोडेको छ ।
यस प्रतियोगितामा प्रत्येक ५० रन, प्रत्येक विकेट, पहिलो इनिंगको अग्रता, जित तथा बराबरीको आधारमा अंक दिने गरिएको छ ।
2024-12-15-07-07-27.gif)
