- २०८१ माघ १८ शुक्रबार
काठमाडौँ । युइएफए च्याम्पियन्स लिगको राउण्ड १६ मा ८ क्लबले आफ्नो स्थान सुरक्षित गरेका छन् ।
गएराती लिग चरणका खेल सकिएसँगै शिर्ष ८ क्लबले राउण्ड १६ मा आफ्नो स्थान सुरक्षित गरेका छन् भने १६ क्लब प्लेअफ खेल्ने भएका छन् ।
राउण्ड १६ मा आफ्नो स्थान सुरक्षित गरेका क्लबमा लिभरपुल, बार्सिलोना, आर्सनल, इन्टर मिलान, एटलेटिको म्याड्रिड, बायर लिभरकुसन, लिले र एस्टन भिल्ला रहेका छन् ।
त्यस्तै रियल म्याड्रिड, बायर्न म्युनिख, म्यानचेस्टर सिटीसहितका १६ क्लबले सिधै राउण्ड १६ मा स्थान बनाउन असफल भएका छन् । अब उनीहरुले प्लेअफ खेल्नुपर्ने भएको छ ।
प्लेअफ खेल्न छनौट भएका क्लबमा एटलान्टा, बोरुसिया डोर्टमण्ड, रियल म्याड्रिड, बायर्न म्युनिख, एसी मिलान, पीएसभी इन्डहोभेन, पिएसजी, बेनिफिका, मोनाको, ब्रेस्ट, फेयर नोर्ड, युभेन्टस, सेल्टिक, म्यानचेस्टर सिटी, स्पोर्टिंग सिपि र क्लब ब्रुगे रहेका छन् । अब यी १६ क्लबको प्लेअफको ड्र शुक्रबार हुने युइएफएले जनाएको छ ।
त्यस्तै लिग चरणमा २५औ स्थानदेखि तल रहेका क्लब भने च्याम्पियन्स लिगबाट बाहिरिएका छन् ।
2024-12-15-07-07-27.gif)
