म्यानचेस्टर युनाइटेडको हारको सिलसिला जारी

काठमाडौँ । इङलिश प्रिमियर लिग अन्तर्गत म्यानचेस्टर युनाइटेडले अर्को हार बेहोरेको छ ।

गएराती सम्पन्न खेलमा म्यानचेस्टर युनाइटेड वोल्भ्ससँग २-० गोल अन्तरले पराजित भएको हो । वोल्भ्सको जितमा माठेस चुन्हा र ह्वांग ही चानले एक एक गोल गरेका थिए ।

त्यस्तै यस खेलमा खेलको ४७औं मिनेटमा ब्रुनो फर्नानडेजले रातो कार्ड पाएपछि म्यानचेस्टर युनाइटेड १० खेलाडीमा सिमित भएको थियो ।

यो हारपछि म्यानचेस्टर युनाइटेडको १७ खेलमा २२ अंक भएको छ र लिगमा १४औं स्थानमा झरेको छ । त्यस्तै वोल्भ्सको यो जितपछि १८ खेलमा १५ अंक भएको छ र १७औं स्थानमा छ ।