लेस्टरमाथि लिभरपुलको सहज जित

काठमाडौँ । लिभरपुलले इङलिश प्रिमियर लिगमा आफ्नो जितको सिलसिला जारी राखेको छ ।

गएराती सम्पन्न खेलमा लिभरपुलले लेस्टर सिटीलाई ३-१ गोल अन्तरले पराजित गर्दै जितको सिलसिला जारी राखेको हो ।

लिभरपुलको जितमा कोडी गाक्पो, कर्टिस जोन्स र मोहमद सलाहले एक एक गोल गरेका थिए । त्यसैगरी लेस्टर सिटीका लागि एक गोल जोर्डन आएवले गरेका थिए । १-० ले पछि परेको लिभरपुलले ३ गोल गर्दै खेलमा शानदार कमब्याक गरेको थियो ।

यो जितपछि लिभरपुलको १७ खेलमा ४२ अंक भएको छ र लिगमा शिर्ष स्थानमा कायम रहेको छ । लिभरपुल दोस्रो स्थानमा रहेको चेल्सीभन्दा एक खेल कम खेल्दै ७ अंकले अगाडी रहेको छ ।

त्यसैगरी लेस्टर सिटीको भने यो हारपछि १८ खेलमा १४ अंक भएको छ र लिगमा १८औं स्थानमा छ ।