बैतडीमा जीप दुर्घटना, दुई जनाको मृत्यु

बैतडी । बैतडीमा जीप दुर्घटना हुँदा दुई जनाको मृत्यु भएको छ । सिगास गाउँपालिका–१ माँडौमा शनिवार बिहान जिप दुर्घटनामा परि दुई जनाको मृत्यु भएको हो । दुर्घटनामा चारजना घाइते भएको प्रहरीले जनाएको छ । 

सुपप्र ०१००१ च ४०२८ नम्बरको जिप सडकबाट अन्दाजी ५ सय मिटर तल खस्दा सिगास गाउँपालिका–१ इरानाका १४ वर्षीया जयन्ती धामी र १९ वर्षीया पार्वती धामीको उपचारका क्रममा डडेल्धुरा अस्पतालमा मृत्यु भएको जिल्ला प्रहरी कार्यालय बैतडीले जानकारी दिएको छ ।

जिपमा चालकसहित ८ जना सवार रहेको थिए । दुर्घटनापछि चालक फरार रहेको र उनको खोजी जारी रहेको प्रहरीले बताएको छ ।