महिला त्रिकोणात्मक टी-२० सिरिजका लागि नेपाली टिमको घोषणा

काठमाडौँ । नेपाल क्रिकेट संघ (क्यान) ले महिला त्रिकोणात्मक टी-२० सिरिजका लागि नेपाली राष्ट्रिय महिला क्रिकेट टिमको घोषणा गरेको छ ।

क्यानले इन्दु बर्माको कप्तानीमा १५ सदस्यीय टिमको घोषणा गरेको हो । नेपाली टिममा इन्दु बर्मा (कप्तान), रुबिना क्षेत्री, सित राना मगर, पुजा महतो, बिन्दु रावल, रेवती धामी, कविता कुँवर, सम्झना खड्का, ममता चौधरी, राजमती ऐरी, कविता जोशी, अलिशा के यादव, रोमा थापा, मनिष उपाध्याय र इश्वरी विष्ट रहेका छन् ।

काठमाडौँमा जनवरी ३० देखि फेब्रुअरी ७ सम्म हुने यो प्रतियोगितामा नेपालसहित नेदरल्याण्डस् र थाइल्याण्ड सहभागी हुदै छन् ।

तीन देशले एक अर्कासहित ३-३ खेल खेल्ने छन्। । टियु अन्तर्राष्टिय क्रिकेट मैदानमा हुने यो सिरिज अपराहन्न सवा १२ बजेदेखि शुरु हुने छ ।