जसपाको केन्द्रीय समिति बैठक वीरगञ्जमा सुरु

वीरगञ्ज । जनता समाजवादी पार्टीको केन्द्रीय समिति बैठक सुरु भएको छ ।

शनिबार पर्साको वीरगञ्जस्थित पुजन होटलमा केन्द्रीय अध्यक्ष अशोककुमार राईको अध्यक्षतामा केन्द्रीय समितिको बैठक प्रारम्भ भएको सो पार्टीका उप–महासचिव एवम् खानेपानीमन्त्री प्रदीप यादवले जानकारी दिए ।

बैठकमा विभिन्न राजनीतिक,सङ्गठनात्मक तथा समसामयिक विषयहरूमा गहन छलफल गर्नुका साथै, पार्टीको भावी रणनीति र मधेशका मुद्दामा छलफल हुने बताइएको छ । बैठक आज र भोली गरी दुई दिन सम्म सञ्चालन हुने पार्टीले जनाएको छ ।