प्रचण्ड र नेपालसँग लिङदेनको भेटवार्ता

काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङडेनले नेकपा (माओवादी केन्द्र) का अध्यक्ष तथा पूर्व प्रधानमन्त्री पुष्पकमल दाहाल प्रचण्ड र एकीकृत समाजवादीका अध्यक्ष माधवकुमार नेपालसँग एक साथ भेटवार्ता गरेका छन् ।

राप्रपाका अध्यक्ष राजेन्द्र लिङ्देनले सिंहदरबारस्थित माओवादी केन्द्रको संसदीय दलको कार्यालयमा प्रचण्ड र नेपालसँग भेटवार्ता गरेका हुन् ।

लिङदेनले यस अघि प्रधानमन्त्री केपी शर्मा ओली र कांग्रेस सभापति शेरबहादुर देउवालाई भेटेका थिए । लिङदेनले पृथ्वी जयन्तिको अवसरमा राप्रपाले आयोजना गर्ने चियापान कार्यक्रममा नेताहरुलाई निमन्त्रणा गरेको बुझिएको छ ।