- २०८१ असोज १ मंगलबार
काठमाडौँ । रुसको बेपत्ता एमआई हेलिकप्टरमा रहेका सबै २२ जनाको मृत्यु भएको छ । मिडिया रिपोर्टका अनुसार बेपत्ता हेलिकप्टरमा रहेका चालक दलका तीन सदस्यसहित २२ जनाको शव फेला परेको हो ।
आइतबार १७ जनाको शव भेटिएको थियो भने सोमबार थप पाँच जनाको शव भेटिएको थियो । रुसी समाचार एजेन्सी आरटीका अनुसार खराब मौसमले गर्दा हेलिकप्टर दुर्घटनामा परेको थियो ।
एमआई-८टी हेलिकप्टर १९६० मा डिजाइन गरिएको र यसमा दुईवटा इन्जिन रहेको थियो ।
यो हेलिकप्टर संसारमा सबैभन्दा व्यापक रूपमा प्रयोग हुने हेलिकप्टरहरू मध्ये एक रहेको बताइएको छ । रूसले यसको १७ हजारभन्दा बढी एकाइहरू बनाएको छ । भारत, चीन, इरानलगायत ५० भन्दा बढी देशले यसको प्रयोग गरिरहेका छन् । यो दुवै नागरिक र सैन्य मा प्रयोग गरिन्छ ।
रुसमा एमआई- ८ पछिल्लो पटक यसै महिनाको सुरुमा, १६ जना सवारहेलिकप्टर रुसको पूर्वी क्षेत्रमा दुर्घटनामा परेको थियो ।
हेलिकप्टर दुर्घटनास्थल कामचटका मस्कोबाट ६,००० किमी पूर्व र अलास्काबाट २,००० किमी पश्चिममा अवस्थित छ । यो क्षेत्र आफ्नो सौन्दर्यको लागि परिचित छ, त्यसैले धेरै पर्यटकहरू यहाँ आउँछन् । यहाँ लगभग १६० ज्वालामुखी छन् र ती मध्ये २९ अझै सक्रिय छन् ।
