- २०८१ माघ १४ सोमबार
काठमाडौँ । इजरायलले उत्तरी गाजामा मानिसहरूलाई फर्कन रोकेपछि हमासले थप छ इजरायली बन्धकहरूलाई रिहा गर्ने भएको छ ।
इजरायली प्रधानमन्त्री बेन्जामिन नेतान्याहूले हमासले यस हप्ता थप छ जना इजरायली बन्धकहरूलाई रिहा गर्ने र उत्तरी गाजाका मानिसहरूलाई सोमबारदेखि आफ्नो घर फर्कन अनुमति दिइने बताएका हुन् ।
रिहा गरिने बन्धकहरूमा एक नागरिक, अर्बेल येहुद पनि छन् । सर्वसाधारणलाई रिहा नगरिएको कारण इजरायलले उत्तरी गाजाका मानिसहरूलाई आफ्नो घर फर्कन अनुमति दिइरहेको थिएन ।
हमासले शनिबार पनि चार बन्धकहरूलाई रिहा गरेको भएपनि पहिला सर्बसाधारणलाई रिहा गर्नुपर्ने सहमति विपरित इजरायली सैनिकलाई रिहा गरेपछि इजरायलले हमासले युद्धविराम सम्झौता तोडेको आरोप लगाएको थियो ।
अब हमासले इजरायलको माग अनुसार अर्बेल येहुदसहित ६ सर्बसाधारण बन्धक शुक्रबार अघि नै रिहा गर्ने भएको छ । येहुद हमासले बन्धक बनाएका सर्बसाधारण मध्ये एक मात्र जीवित महिला रहेको इजरायलको विश्वास रहेको छ । सोहि कारणले इजरायलले येहुदको रिहा शुरुमै हुनुपर्ने शर्त राखेको थियो । २८ बर्षिय येहुदलाई उनका पार्टनर एरियल कुनियोसँग बन्धक बनाइएको थियो । जो अहिले पनि हमासको नियन्त्रणमा रहेको बताइएको छ । साथै बेपत्ता रहेका येहुदका दाजु डोलेभ येहुदको पनि अक्टोबर ७ को घटनामा मृत्यु भएको इजरायली सेनाले पुष्टि गरेको थियो ।
गाजामा युद्धविराम सम्झौता लागू भएदेखि हमासले अहिलेसम्म सात जना बन्धकहरूलाई रिहा गरिसकेको छ । बदलामा, इजरायलले २०० प्यालेस्टिनी कैदीहरूलाई रिहा गरेको छ ।
2024-12-15-07-07-27.gif)
