तिलक बर्माको उत्कृष्ट प्रदर्शनपछि इङल्याण्डविरुद्ध भारतको लगातार दोस्रो जित

काठमाडौँ । भारतले इङल्याण्डविरुद्धको टी-२० सिरिजमा लगातार दोस्रो जित हासिल गरेको छ । गएराती सम्पन्न खेलमा भारतले इङल्याण्डलाई २ विकेटले पराजित गरेको हो ।

इङल्याण्डले दिएको १६६ रनको लक्ष्य पछाएको भारतले १९.२ ओभरमा ८ विकेट गुमाउदै लक्ष्य पुरा गरेको थियो ।

भारतको जितमा तिलक बर्माले अविजित ७२ रन बनाएका थिए । यसअघि टस हारेर पहिला ब्याटिंग गरेको इङल्याण्डले २० ओभरमा ९ विकेट गुमाउदै १६५ रन बनाएको थियो ।

यो जितसँगै ५ खेलको सिरिजमा भारतले लगातार दोस्रो जित हासिल गर्दै सिरिजमा २-० को अग्रता हासिल गरेको छ । अब सिरिजको तेस्रो खेल मंगलबार राजकोटमा हुने तालिका रहेको छ ।