हिट फिल्मको खोजीमा अक्षयकुमार, २०२५ मा कुन कुन फिल्म रिलिज हुदैछन् ?

काठमाडौँ । पछिल्लो दुई वर्षमा अक्षय कुमारका फिल्म हिटभन्दा बढी फ्लप फिल्मको सूची रहेको छ । 

२०२४ मा अक्षयकुमारका तीन फिल्म रिलिज भएका थिए । जसमा बडे मिया छोटे मिया, सरफिरा, खेल खेल मे रिलिज भएका थिए । तिनै फिल्म बक्स अफिसमा जम्न सकेका थिएनन् । त्यस्तै उनले स्त्री-२ मा केमियो भूमिकामा थिए भने सिंघम अगेनमा विशेष भूमिकामा रहेका थिए । यस अवस्थामा सन् २०२५ अक्षय कुमारको करियरका लागि राम्रो वर्ष साबित हुन्छ कि हुँदैन भन्ने चासो रहेको छ । २०२५ मा अक्षयकुमारका पाँच फिल्म रिलिज हुदै छन्  ।

स्काई फोर्स 

दर्शकले अक्षय कुमारको फिल्म ‘स्काई फोर्स’ २०२५ मा हेर्न पाउनेछन् । जनवरी २४ गते रिलिज हुँदैछ, यो फिल्मले २६ जनवरीको बिदाको फाइदा पनि लिन सक्छ । साथै गणतन्त्र दिवसको अवसरमा दर्शकले देशभक्तिको कथा बोकेको चलचित्र हेर्न आउन सक्नेछन् । फिल्मलाई लिएर पनि कौतुहलता देखिएको छ ।

शंकरा 

अक्षय कुमार पनि वकिल तथा राजनीतिज्ञ सी शंकरनमा आधारित फिल्ममा शंकरामा देखिनेछन् । यसमा अभिनेता आर. माधवन पनि हुनेछन् । फिल्मको बारेमा अझै धेरै जानकारी उपलब्ध छैन ।

जोली एलएलबी ३

‘जोली एलएलबी’ सिरिजका फिल्मका आफ्नै दर्शक छन् । यस सिरिजको पहिलो फिल्ममा अर्शद वारसी देखिएका थिए भने दोस्रो पार्टमा अक्षय कुमार थिए । अब अक्षय कुमार र अरशद वारसी दुवै ‘जोली एलएलबी ३’ मा देखिनेछन् । यसरी दर्शकले फिल्ममा कमेडीको दोहोरो डोज पाउन सक्छन् ।

हाउसफुल ५

अक्षय कुमार पनि लामो समयदेखि हाउसफुल सिरिजको फिल्मको हिस्सा बनेका छन् । सन् २०२५ मा उनी बलिउड कलाकारहरुको ठूलो स्टार कास्ट रहेको ‘हाउसफुल ५’ मा देखिनेछन् । हालै यो चलचित्रको छायांकन सकिएको छ । हाउसफुल सिरिजका फिल्ममा अक्षयको कमेडीलाई दर्शकले मन पराएकाले यो वर्ष पनि उनले दर्शकलाई मनोरञ्जन दिन सक्नेछन् ।

कन्नाप्पा 

अक्षय कुमार तेलुगु फिल्म ‘कन्नप्पा’ मा केमियो गर्ने भएका छन् । उनले फिल्ममा भगवान शिवको भूमिका निभाउन सक्नेछन् । यो कुरा फिल्मको ट्रेलरबाट थाहा भएको हो । फिल्ममा साउथका धेरै चर्चित कलाकारहरु पनि देखिनेछन् । यो फिल्ममा उनको केमियो भूमिका हुने बताइएको छ ।