• २०८१ पौष १९ शुक्रबार

सन्नी देओलका २०२५ मा तीन फिल्म रिलिज हुने

kharibot

काठमाडौँ । सन २०२४ मा बलिउडका धेरै फिल्म फ्लप भए पनि धेरै फिल्महरू हिट पनि भएका थिए । आउँदै गरेको वर्ष २०२५ मा धेरै उत्कृष्ट फिल्महरू आउँदैछन् । सेलिब्रेटीहरूले २०२४ मा यसको तयारी गरेका छन् ।

यसै सन्दर्भमा सनी देओलले आफ्नो इन्स्टाग्राममा यसको झलक देखाएका छन् । सन्नी देओलले एक रिक्याप भिडियो सेयर गरेका छन्, जसमा उनले सन् २०२५ मा रिलिज हुने फिल्मका लागि २०२४ मा कति मेहनत गरेका छन् भनेर बताएका छन । 

सनी देओलको यो भिडियोमा ती फिल्मको सुटिङको झलक देख्न सकिन्छ । देओल परिवार एक कार्यक्रममा सँगै आएपछि त्यसको झलक पनि देखियो । 

सनी देओलले लेखेका छन्, ‘२०२४, तपाईको वर्ष राम्रो रह्यो । २०२५ मा रिलिज हुने फिल्मका लागि हामीले कडा मेहनत गरेका थियौं । अब २०२५ मा हाम्रो कडा मेहनत पश्चात ‘जाट, लाहोर १९४७ र सफर’ मार्फत पर्दामा देखिनेछु । म तपाईहरु सबैको त्यहि मायाको पर्खाइमा छु, जुन तपाईले मलाई पहिले पनि दिनुभएको थियो । नयाँ वर्षको शुभकामना, २०२५ लाई स्वागत छ ।’

भिडियोको सुरुमा सनी देओलका बुवा धर्मेन्द्र र आमा प्रकाश कौरसँगको तस्बिर देखिन्छ । यसपछि ती फिल्मको सुटिङको झलक छ, जसको रिलिज भएको उल्लेख गरेका छन् । यससँगै देओल परिवार कपिल शर्माको शोमा गएका थिए र त्यसपछि सबैजना एक कार्यक्रममा भेट भएको पनि देखाइएको छ । 

फिल्म गदरः २ अगस्त २०२३ मा रिलिज भएको थियो, जसले बक्स अफिसमा ठूलो नाफा कमाएको थियो । फिल्मले धेरै रेकर्डहरू बनाए र धेरैको रेकर्ड पनि  तोडेको थियो र सनी देओलको लोकप्रियता फेरि चरम सीमामा पुगेको थियो । अब सन् २०२४ मा सन्नी देओलले कडा मेहनत गरेका छन् र उनका फिल्महरू  ‘जाट्ट’, ‘लाहोर १९७४’ र ‘सफर’ २०२५ मा रिलिज हुदैँछन् । 

यससँगै अनिल शर्माले पनि ‘गदर ३’ बनाउने स्विकारेका छन्, जसको काम सन् २०२६ मा सुरु हुनसक्ने जनाइएको छ ।

सम्बन्धित खबर

पढ्नै पर्ने

लोकप्रिय

भर्खरै