सलमान खानको बहुप्रतिक्षित फिल्म ‘सिकन्दर’ को टिजर रिलिज

काठमाडौँ । सलमान खानको बहुप्रतिक्षित फिल्म ‘सिकन्दर’ को टिजर सार्वजनिक भएको छ । 

अन्ततः फ्यानहरुको प्रतिक्षाको अन्त्य गर्दै निर्माताहरुले फिल्मको दमदार टिजर रिलिज गरेका छन्, जसमा सलमान खानको फरक अवतार देखिएको छ ।

टिजरको कुरा गर्दा सलमान मेसिनजस्ता देखिने मानिससँग लडिरहेका देखिन्छन् । सलमान एउटा म्युजियमबाट गुज्रिरहेका छन् जहाँ बन्दुकको ठूलो क्याबिनेट छ । 

यसअघि सलमान खानको फिल्मको पोस्टर रिलिज भएको थियो, जसमा अभिनेता भाला जस्तो हतियार बोकेको देखिएका थिए । फिल्ममा खलनायकको भूमिका बाहुबली फेम अभिनेता सत्यराजले निभाएका छन् । एआर मुरुगादासद्वारा निर्देशित यस फिल्ममा रश्मिका मन्डन्ना र काजल अग्रवाल पनि मुख्य भूमिकामा छन्। सलमानसँग रश्मिकाको यो पहिलो फिल्म हो । यो फिल्म सन् २०२५ को इदको अवसरमा हलमा रिलिज हुँदैछ ।