लस भेगासस्थित ट्रम्प होटल बाहिर टेस्ला साइबर ट्रकमा विस्फोट, चालकको मृत्यु

काठमाडौँ । अमेरिकाको लस भेगासस्थित ट्रम्प होटल बाहिर टेस्ला साइबर ट्रकमा विस्फोट भएको छ । सो विस्फोटमा चालकको मृत्यु भएको छ भने अन्य सात जना घाइते भएका छन् ।

बुधबार ट्रक होटल अगाडिको सिसाको ढोकामा रोकिएको प्रहरीले जनाएको छ । त्यही क्रममा धुवाँ निस्कन थाल्यो र विस्फोट भएको थियो ।

यस घटनाको केही घन्टा अघि, एउटा ट्रकले न्यू अर्लिन्समा मानिसहरूको भिडमा कार चलाउदा १५ जनाको मृत्यु भएको थियो 

यसैबीच टेस्ला साइबरट्रकमा भएको विस्फोट र न्यू अर्लिन्समा भएको घटना कुनै न कुनै रूपमा सम्बन्धित हुनसक्ने बताएका छन् । त्यस्तै अमेरिकी राष्ट्रपति जो बाइडेनले पत्रकार सम्मेलनमा यी दुई घटनाबीच कुनै सम्बन्ध नभएको प्रतिक्रिया दिएका छन् ।