- २०८१ फाल्गुण ११ आइतबार
काठमाडौं। नेपाल बीमा प्राधिकरणको अध्यक्ष पदका पाँच जनाको नाम सार्वजनिक गरिएको छ । अध्यक्ष नियुक्तिका लागि गठित सिफारिस समितिले सोमबार एक सूचना जारी गर्दै आवेदन दिएकाहरूमध्येबाट छनौट गरी ५ जनाको नाम सार्वजनिक गरेको हो ।
जसमा कमलप्रसाद रेग्मी, चिरञ्जीवी चापागाईं, दामोदर बसौला, रामशरण पुडासैनी र शरद ओझा रहेका छन् । अब उनीहरूको प्रस्तुतिकरण र अन्तर्वार्ता अर्थ मन्त्रालयमा फागुन १० गते दिउँसो २ बजे हुने छ ।
अख्तियार दुरुपयोग अनुसन्धान आयोगले तत्कालीन अध्यक्ष सूर्यप्रसाद सिलवालविरुद्ध भ्रष्टाचार मुद्दा दायर गरेसँगै प्राधिकरणमा अध्यक्ष पद रिक्त भएपछि सिफारिस समितिले २६ पुसमा १५ दिनको समयावधि राखेर अध्यक्ष पदमा आवेदन माग गरेको थियो ।
2024-12-15-07-07-27.gif)
