ट्रम्प राष्ट्रपति बनेपछि उत्तर कोरियाको पहिलो मिसाइल परिक्षण

काठमाडौँ । उत्तर कोरियाले क्रुज मिसाइल प्रणालीको परीक्षण गरेको छ । यो जानकारी उत्तर कोरिया आफैंले दिएको हो । 

डोनाल्ड ट्रम्पले राष्ट्रपतिको कार्यभार सम्हालेपछि उत्तर कोरियाले पहिलो मिसाइल परिक्षण गर्दै आफ्नो हतियार परीक्षण र अमेरिका विरुद्धको आफ्नो टकरावपूर्ण अडान कायम राख्ने संदेश दिएको विश्लेषण गरिएको छ । 

आधिकारिक कोरियन सेन्ट्रल न्यूज एजेन्सीले किम जोङ उन आफैंले शनिबार समुद्रबाट सतहमा प्रहार गर्ने क्रुज क्षेप्यास्त्रको परीक्षणको अनुगमन गरेको बताएको छ । उनले मिसाइलले १,५०० किलोमिटरको दूरी उडान गरेपछि आफ्नो लक्ष्यमा प्रहार गरेको रिपोर्टमा उल्लेख छ । किम जोङ उनले अझ शक्तिशाली रूपमा विकसित सैन्य बलको आधारमा आफ्नो रक्षा गर्न कडा प्रयास गर्ने बताउदै आएका छन् ।

आइतबार विदेश मन्त्रालयले यस महिना दक्षिण कोरियासँगको श्रृंखलाबद्ध सैन्य अभ्यासमार्फत उत्तर कोरियालाई लक्षित गरी गम्भीर सैन्य उत्तेजना फैलाएकोमा अमेरिकाको आलोचना गरेको समाचार एजेन्सीले जनाएको छ ।

उत्तर कोरियाले क देखि ञ सम्म अमेरिकाको प्रतिकार गर्नुपर्छ किनभने अमेरिकाले उत्तर कोरियाको सार्वभौमसत्ता र सुरक्षा हितलाई अस्वीकार गर्दै आएको छ ।

उत्तर कोरियाले संयुक्त राज्य अमेरिका र दक्षिण कोरियाबीचको संयुक्त सैन्य अभ्यासलाई आक्रामक पूर्वाभ्यासको रूपमा हेर्छ । हालैका वर्षहरूमा, अमेरिका र दक्षिण कोरियाले उत्तर कोरियाको बढ्दो आणविक कार्यक्रमको प्रतिक्रियामा आफ्नो सैन्य अभ्यास विस्तार गरेका छन् ।

आफ्नो दोस्रो कार्यकालको सुरुमा अमेरिकी राष्ट्रपति डोनाल्ड ट्रम्पले किम जोङ उन एक धूर्त मानिस भनेका थिए । किम जोङलाई भेट्नुहुनेछ कि भनेर सोध्दा उनले हुन्छ भन्ने जवाफ दिदै उत्तर कोरियालाई आणविक शक्ति राष्ट्र भनेका थिए ।