आइसीसी 'टेस्ट टिम अफ द इयर' को घोषणा

काठमाडौँ । आइसीसीले २०२४ को 'टेस्ट टिम अफ द इयर' को घोषणा गरेको छ ।

आइसीसीले अस्ट्रेलियाका कप्तान पाट कमिन्सको नेतृत्वमा ११ जनाको बर्ष टेस्ट टिमको घोषणा गरेको छ ।

यस टिममा इङल्याण्डका सबैभन्दा बढी चार खेलाडी रहेका छन् भने भारतका ३, न्यूजील्याण्डका २ खेलाडी रहेका छन् । त्यस्तै श्रीलंका र अस्ट्रेलियाका एक एक खेलाडी रहेका छन् ।

उत्कृष्ट टेस्ट टिममा पाट कमिन्स (कप्तान), माट हेनरी, केन विलियम्सन, बेन डकेट, जो रुट, ह्यारी ब्रुक, जामी स्मिथ, यशस्वी जैसवाल, रविन्द्र जडेजा, जसप्रित बुमराह र कुशल मेन्डिस रहेका छन् ।