साउदी लिगमा अल नासरको अर्को जित

काठमाडौँ । साउदी प्रो लिग अन्तर्गत अल नासरले अल फातेहलाई पराजि गरेको छ । गएराती सम्पन्न खेलमा अल नासरले अल फातेहलाई ३-१ गोल अन्तरले पराजित गरेको हो ।

अल नासरको जितमा मोहमद सिमाकन र क्रिस्टियानो रोनाल्डोले एक एक गोल गरेका थिए भने एक गोल अल फातेहका मार्वाने सडानेले आत्मघाती गोल गरेका थिए । रोनाल्डोले यस खेलमा गोल गरेसँगै आफ्नो क्यारियरमा ९२० गोल पुरा गरेका छन् ।

त्यस्तै अल फातेहका लागि एक गोल मोउराद बाटनाले गरेका थिए ।

यो जितपछि अल नासरको १७ खेलमा ३५ अंक भएको छ र लिगमा तेस्रो स्थानमा उक्लिएको छ । त्यस्तै अल फातेहको १७ खेलमा ९ अंक रहेको छ र लिगमा पुछारमा रहेको छ ।