आरबी साल्जबर्गविरुद्ध रियल म्याड्रिडको शानदार जित

काठमाडौँ । युइएफए च्याम्पियन्स लिग अन्तर्गत रियल म्याड्रिडले आरबी साल्जबर्गविरुद्ध शानदार जित हासिल गरेको छ । 

गएराती सम्पन्न खेलमा रियल म्याड्रिडले साल्जबर्गलाई ५-१ गोल अन्तरले पराजित गरेको हो । 

रियल म्याड्रिडको जितमा रोड्रीगो र भिनिसियस जुनियरले २-२ गोल गरेका थिए भने किलियन एम्बाप्पेले एक गोल गरेका थिए ।  त्यसैगरी साल्जबर्गका म्याड्स बिडस्ट्रपले एक गोल गरेका थिए । 

यो जितपछि रियल म्याड्रिडको नकआउट चरणमा पुग्ने सम्भावना बढेको छ । रियल म्याड्रिडको यो जितपछि ७ खेलमा १२ अंक भएको छ र १६औं स्थानमा उक्लिएको छ । अब रियल म्याड्रिडले लिग चरणमा आफ्नो अन्तिम खेल जनवरी ३० मा बेस्टविरुद्ध खेल्ने तालिका रहेको छ । रियल म्याड्रिडका लागि नकआउट चरणमा पुग्न अन्तिम खेल जित्नै पर्ने अवस्था रहेको छ ।  

त्यस्तै साल्जबर्गको भने ७ खेलमा ३ अंक मात्र रहेको छ र च्याम्पियन्स लिगको नकआउट चरणमा पुग्ने सम्भावना यसअघि नै समाप्त भएको छ ।