फिल्म ‘पिताम्बर’को टिजर, प्रदिप र सौगात एक्शन अवतारमा

काठमाडौँ । नेपाली फिल्मका तीन सुपरस्टारहरु दयाहाङ राई, सौगात मल्ल र प्रदीप खड्काको पहिलो सहकार्य रहेको फिल्म ‘पिताम्बर’को टिजर सार्वजनिक गरिएको छ ।

टिजर एक्सन प्रधान रहेको छ । फिल्मको कथा बदलाको रहेको संकेत टिजरबाट पाउन सकिन्छ । फिल्ममा दयाहाङ भने इन्स्पेक्टरको भूमिकामा छन् । टिजरको अन्तिममा हेलिकप्टरबाट सौगातको इन्ट्री पनि शानदार देखिएको छ ।

टिजरमा प्रमोद अग्रहरी, अनुपविक्रम शाही, सुरक्षा पन्त, दिव्यदेव, दिव्या रायमाझी, सुपुष्पा भट्ट लगायत पनि फिचर्ड छन् ।

कृषा चौलागाईंको निर्देशनमा तयार भएको फिल्ममा गौरी मल्ल, रविन्द्र झा, कामेश्वर चौरसिया, टीका पहारी, गौरव विष्ट, सुरवीर पण्डितलगायतको पनि अभिनय छ । विशाल चौलागाईं निर्माता रहेको फिल्ममा प्रदीप भारद्वाज र अभिमन्यू निरवीको पटकथा तथा संवाद छ । फिल्मलाई पुरुषोत्तम प्रधानले खिचेका हुन् । यो फिल्म नयाँ वर्षको अवसरमा चैत २९ गतेबाट प्रदर्शनमा आउँदैछ ।