ब्रेन्टफोर्डमाथि आर्सनलको सहज जित

काठमाडौं । आर्सनलले इङलिश प्रिमियर लिग अन्तर्गत ब्रेन्टफोर्डमाथि सहज जित हासिल गरेको छ । गएराती सम्पन्न खेलमा आर्सनलले ब्रेन्टफोर्डलाई ३-१ गोल अन्तरले पराजित गरेको हो ।

आर्सनलको जितमा गाब्रियल जिसस, मिकेल मेरिनो र गाब्रियल मार्टिनेलीले एक एक गोल गरेका हुन् ।

यस खेलमा आर्सनल १-० गोलले पछि परेको अवस्थामा खेलमा कमब्याक गर्दै जित हासिल गरेको थियो । ब्रेन्टफोर्डका लागि भने एक गोल ब्रायन एम्बेउमोले गरेका थिए ।

यो जितपछि आर्सनलको १९ खेलमा ३९ अंक रहेको छ र लिगमा दोस्रो स्थानमा रहेको छ । लिगमा १८ खेलमा ४५ अंकसहित लिभरपुल शिर्ष स्थानमा रहेको छ ।

त्यसैगरी ब्रेन्टफोर्डको १९ खेलमा २४ अंक रहेको छ र लिगमा १२औं स्थानमा छ ।