टोटनह्यामविरुद्ध लिभरपुलको आधा दर्जन गोल

काठमाडौँ । लिभरपुलले इङलिश प्रिमियर लिगमा आफ्नो शानदार प्रदर्शनलाई निरन्तरता दिएको छ । गएराती सम्पन्न खेलमा लिभरपुलले टोटनह्यामको पोष्टमा ६ गोल गरेको छ । सो खेल लिभरपुलले ६-३ गोल अन्तरले जितेको थियो ।

लिभरपुलका लागि मोहमद सलाह र लुइस डियाजले २-२ गोल गरेका थिए भने एलेक्सिस म्याक एलेस्टर र डोमिनिक जोबोस्लाईले एक एक गोल गरेका थिए । त्यसैगरी टोटनह्यामका लागि जेम्स म्याडीसन, डेजान कुलुसेभ्सकी र डोमिनिक सोलांकले एक एक गोल गरेका थिए ।

यो जितपछि लिभरपुलको १६ खेलमा ३९ अंक भएको छ र लिगको शिर्ष स्थानमा कायम रहेको छ । त्यसैगरी टोटनह्यामको भने यस सिजनमा यो आठौँ हार हो । यो हारपछि टोटनह्यामको १७ खेलमा २३ अंक रहेको छ र लिगमा ११औं स्थानमा झरेको छ ।