- २०८१ पौष ७ आइतबार
काठमाडौँ । नेपालको अण्डर १९ महिला टिम भुटानको अण्डर १९ टोलीसँग बराबरीमा रोकिएको छ ।
आइतबार त्रिपुरेश्वरस्थित दशरथ रंगशालामा भएको मैत्रीपूर्ण खेलमा नेपालले भुटानसँग १-१ गोलको बराबरीमा रोकिएका हुन् ।
पहिलो हाफ गोलरहित बराबरीमा सकिएपनि ४८औं मिनेटमा गोल गर्दै सुशीला केसीले नेपाललाई अग्रता दिलाएकी थिइन् । तर ८०औं मिनेटमा फुन्तसो छोदेनले भुटानका लागि गोल गर्दै खेल बराबरीमा ल्याएकी थिइन् ।
उमेर समूहकै गत शुक्रबार भएको अण्डर १६ को मैत्रीपूर्ण खेलमा नेपाली महिला टोली भुटानी टिमसँग ५-१ को गोलमा पराजित भएको थियो ।
2024-12-15-07-07-27.gif)
