- २०८१ चैत ७ बिहीबार
काठमाडौँ । गुगलले कर्मचारीहरूमाझ जातीय भेदभावसँग सम्बन्धित मुद्दा समाधान गर्न २८ मिलियन डलर क्षतिपूर्ति तिर्न सहमत भएको छ ।
अन्य जातीय पृष्ठभूमिका कामदारहरूलाई गोरा र एसियाली कामदारहरूको तुलनामा कम तलब दिएको र उनीहरूसँग कम करियरका अवसरहरू दिएको आरोप लगाउदै दायर गरेको मुद्धामा क्षतिपुर्ति तिर्न सहमत भएको हो ।
विश्वको सबैभन्दा ठूलो प्रविधि कम्पनीले सम्झौता भएको पुष्टि गरेपनि आफूविरुद्ध लगाइएका आरोपहरूलाई अस्वीकार गरेको छ ।
यो मुद्दा २०२१ मा गुगलकी पूर्व कर्मचारी आना कान्टुले दायर गरेकी थिइन् । यसले हिस्पैनिक, ल्याटिनो, मूल अमेरिकी र अन्य पृष्ठभूमिका कर्मचारीहरूले आफ्ना गोरा र एसियाली समकक्षीहरूको तुलनामा कम ज्याला र कम पदमा काम सुरु गरेको आरोप लगाएका थिए ।
समाचार एजेन्सी रोयटर्सका अनुसार, फेब्रुअरी १५, २०१८ र डिसेम्बर ३१, २०२४ बीच गुगलले भर्ती गरेका कम्तीमा ६ हजार ६३२ जनामाथि यस्तो भेदभाव भएको भन्दै मुद्दा दायर गरिएको थियो।
यस वर्षको सुरुमा, गुगलले धेरै अमेरिकी कम्पनीहरूसँग सामेल भयो जुन उनीहरूको भर्ना नीतिहरूमा विविधता, समानता र समावेशीकरण कार्यक्रमहरूप्रतिको प्रतिबद्धताबाट पछि हटेका थिए । समावेशीकरण कार्यक्रमहरूबाट पछि हटेका कम्पनीहरूमा मेटा, अमेजन, पेप्सी, म्याकडोनाल्ड र वालमार्ट जस्ता ठूला कम्पनीहरू समावेश छन् । यो त्यस्तो समयमा भएको हो जब अमेरिकी राष्ट्रपति डोनाल्ड ट्रम्प र उनका सहयोगीहरूले समावेशीकरण नीतिहरूमाथि निरन्तर आक्रमण गरिरहेका छन् ।
2024-12-15-07-07-27.gif)
