- २०८१ माघ २२ मंगलबार
काठमाडौं । गृहमन्त्री रमेश लेखकले नेपाली कांग्रेसका १४ जिल्ला सभापतिहरूसँग छलफल गरेका छन् ।
गृहमन्त्री लेखकको सचिवालयले दिएको जानकारीअनुसार पाथीभरा केबलकार निर्माणबारे उत्पन्न विवादको विषयमा गृहमन्त्री लेखकले कांग्रेसका कोशीका १४ जिल्ला सभापतिसँग गृहमन्त्री लेखकले छलफल गरेका हुन् ।
यसअघि गत माघ १५ गते गृहमन्त्री लेखकले ताप्लेजुङ, इलाम, पाँचथर र तेह्रथुमका प्रतिनिधि सभा सांसदसँग छलफल गरेका थिए । ताप्लेजुङको पाथीभरा क्षेत्रमा केबलकार निर्माण गर्ने क्रममा भएको तनावबारे उनले सांसदहरूसँग छलफल गरेका थिए ।
पाथीभरा केबलकार निर्माण गर्ने क्रममा ‘नो केबलकार’ समूह र सुरक्षाकर्मीबीच झडप भएको थियो । सरकारले पाथीभरा केबलकारका विषयमा संवाद गर्न वार्ता समिति बनाएको छ भने नो केबलकार समूहले पनि सरकारसँग वार्ता गर्न समिति बनाएका छन् ।
2024-12-15-07-07-27.gif)
