रोनाल्डोको गोलमा अल नासर विजयी

काठमाडौँ । साउदी प्रो लिग अन्तर्गत अल नासरले अल राइदलाई पराजित गरेको छ । गएराती सम्पन्न खेलमा अल नासरले अल राइदलाई २-१ गोल अन्तरले पराजित गरेको हो ।

अल नासरको जितमा क्रिस्टियानो रोनाल्डो र नवाफ बोउशालले एक एक गोल गरेका थिए । त्यसैगरी अल राइदका लागि एक गोल अमिर सायओउदले गरेका थिए ।

यो जितपछि अल नासरको १८ खेलमा ३८ अंक भएको छ र लिगमा तेस्रो स्थानमा उक्लिएको छ ।  त्यसैगरी अल राइदको भने १८ खेलमा १४ अंक रहेको छ र लिगमा १५औं स्थानमा रहेको छ ।