संसदको कार्यव्यवस्था परामर्श समितिको बैठक बस्दै

काठमाडौँ । संघीय संसदको कार्यव्यवस्था परामर्श समितिको बैठक आज बस्दैछ ।

सभामुख देवराज घिमिरेले आज दिउँसो १ बजे सिंहदरबारस्थित राज्यव्यवस्था समितिको हलमा बस्ने गरी बैठक बोलाएका हुन् ।

माघ १८ गतेदेखि सुरु हुने हिउँदे अधिवेशनका लागि सभामुख घिमिरेले सक्रियता बढाएका छन् ।

यसअघि सभामुखले हिजो मात्र प्रमुख पाँच दलका मुख्य सचेतक र प्रमुख सचेतकसँग सिंहदरवारमा छलफल गरेका थिए । सो अघि सत्तापक्षका मुख्य सचेतक, प्रमुख सचेतकसँग छलफल गरेका सभामुख घिमिरेले सो पछि दिउँसो २ बजे प्रमुख प्रतिपक्ष तथा प्रतिपक्षी दलका प्रमुख सचेतकसँग छलफल गरेका थिए ।