मोन्टेनेग्रोको रेस्टुरेन्टमा गोलीबारी, १० जनाको मृत्यु

काठमाडौँ । युरोपेली देश मोन्टेनेग्रोमा भएको गोलीकाण्डमा दुई बालबालिकासहित १० जनाको मृत्यु भएको छ ।

सार्वजनिक प्रसारक आरटीसीजीले पुलिस अधिकारीहरूलाई उद्धृत गर्दै मोन्टेनेग्रोको सेन्टिनजेको एक रेस्टुरेन्टमा एक आक्रमणकारीले गोली चालाएर १० जनाकाको हत्या गरेर आफूलाई पनि गोली हानेका थिए ।

मोन्टेनेग्रो सरकारले बिहीबारदेखि तीन दिने राष्ट्रिय शोकको घोषणा गरेको छ । देशका प्रधानमन्त्रीले गोलीबारीलाई ‘भयानक दुर्घटना’ भनेका छन् ।

गृहमन्त्रीले आक्रमणकारीले आफ्नो परिवारका सदस्य, रेस्टुरेन्ट सञ्चालक र उनका दुई छोराछोरीको हत्या गरेको बताए ।

गोलीबारीमा चार जना गम्भीर घाइते भएका र उनीहरुलाई अस्पतालमा भर्ना गरिएको बताइएको छ ।