प्रियंका कार्कीको हरर फिल्म ‘ममी’को टिजर रिलिज

काठमाडौँ । आगामी माघ २५ गतेबाट प्रदर्शनको तयारीमा रहेको हरर फिल्म ‘ममी’को टिजर सार्वजनिक गरिएको छ । टिजरले फिल्मको कथावस्तुबारे जानकारी गराउँछ । एउटा घरमा कुकुरको मृत्युपछि कालो विरालो पाल्दा श्रृंखलाबद्ध रुपमा परिवारमा निम्तिने विपत्तिलाई टिजरमा देखाइएको छ ।

समर निरौलाको डेब्यु निर्देशनमा तयार भएको फिल्ममा प्रियंका कार्की, दीया मास्के, सुलक्षण भारती, समीप निरौला, घनश्याम जोशी, आयुषी ढकाल, जेभिस श्रेष्ठ, गीत विष्ट, प्रकाश बन, शिवांश सिलवाल लगायतको अभिनय छ । सो ट्वान्टी फाइभको प्रस्तुतिमा निर्माण भएको फिल्ममा निर्देशक निरौला र पूर्णिमा जोशीको लेखन रहेको छ ।

फिल्मका निर्माता लोकराज जोशी र पूर्णिमा जोशी तथा कार्यकारी निर्माता सुमन कोइराला हुन् । निशाल पौडेल र शरद महतोको छायांकन रहेको फिल्मलाई सुरेन महर्जनले सम्पादन गरेका हुन् । फिल्मको गीतमा एसडी योगीको संगीत छ भने रोहित शाक्यको पार्श्व ध्वनी छ ।