बुद्धि तामाङ फिल्म निर्माणमा, 'कुस्ती' को घोषणा

काठमाडौँ । कलाकार बुद्धि तामाङले फिल्म निर्माण गर्ने भएका छन्। सोमबार तमु ल्होसारको अवसर पारेर फिल्म  ‘कुस्ती’ निर्माण गर्ने घोषणा गरिएको हो ।

अनिल योञ्जनको लेखन तथा निर्देशनमा तयार हुने चलचित्र कुस्तीमा अभिनेता तामाङसँगै धीरज मगर र अभिनेत्री मिरुना मगरले अभिनय गर्नेछन्। चलचित्रको सार्वजनिक गरिएको पोस्टरमा कलाकारको आवरण चरित्रअनुसार राखिएको कलाकार तामाङले जानकारी दिए ।

यस दिल्म्मा कलाकार तामाङलाई चलचित्र निर्माणमा निर्देशक योञ्जनले सघाउने भएका छन् । सम्बन्धमा रहेको जोडीको प्रेममा आउने उतारचढाव नै मुख्य विषयमा फिल्म बन्न लागेको उनले बताए।

काठमाडौँ रिच इन्टरटेनमेन्ट र एप्पल इन्टरटेनमेन्ट, मोफसल एफडी कम्पनीले प्रदर्शनका लागि वितरण गर्ने चलचित्रको छायाङ्कन आउँदो फागुनमा हुने बताइएको छ । अनुषा सिनेमावुड पिक्चर्स प्रालिको व्यानरमा तयार हुने उक्त चलचित्र आउँदो वर्ष २०८२ भदौमा प्रदर्शन हुनेछ ।