जितसँगै इन्टर मिलान दोस्रो स्थानमा उक्लियो

काठमाडौँ । इटालियन सिरी ए अन्तर्गत इन्टर मिलानले कागलीअरीलाई पराजित गरेको छ । गएराती सम्पन्न खेलमा इन्टर मिलानले कागलीअरीलाई ३-० गोल अन्तरले पराजित गरेको हो ।

इन्टर मिलानको जितमा अलेसान्द्रो बास्टोनी, लाउतारो मार्टिनेज र हकान कलहानोग्लुले एक एक गोल गरेका थिए ।

यो जितपछि इन्टर मिलान सिरी ए को दोस्रो स्थानमा उक्लिएको छ । इन्टर मिलानको १७ खेलमा ४० अंक भएको छ । शिर्ष स्थानमा रहेको एटलान्टा भन्दा एक खेल कम खेलेको इन्टर मिलान एक अंकले पछाडी रहेको छ ।

त्यसैगरी कागलीअरीको १८ खेलमा १४ अंक रहेको छ र लिगमा १८औं स्थानमा रहेको छ ।