- २०८१ पौष १२ शुक्रबार
काठमाडौँ । नेकपा एमालेले बुधबार सचिवालयको बैठक बसेर भीम रावलसहित बिन्दा पाण्डे र उषाकिरण तिम्सिनालाई करावाही गर्यो । भीम रावललाई पार्टीको संगठानिक सदस्य बाटै बर्खास्त गरियो भने पाण्डे र तिम्सिनालाई ६ महिनाका लागि जिम्मेवारीबाट मुक्त गरियो । तीन नेतालाई कारवाही गरेपछि महासचिव शंकर पोखरेलले पार्टीमा अनुसाशनको महत्व बारे बुझाउन एआइको सहारा लिदै फेसबुकमा एउटा पोष्ट गरेका छन् ।
यस्तो छ उनको पोष्ट:
पार्टी अनुशासनवारे एआईको धारणा :
पार्टीमा अनुशासनको महत्व अत्यन्तै उच्च छ, किनभने कुनै पनि संगठनको सफलता र स्थिरता अनुशासनमा आधारित हुन्छ। अनुशासनले पार्टीका सदस्यहरूलाई पार्टीका नियम, आदर्श र लक्ष्यअनुसार सञ्चालन गर्न प्रेरित गर्छ। यसको मुख्य महत्व यस प्रकारले व्याख्या गर्न सकिन्छ:
१. संगठनात्मक एकता कायम राख्न:
अनुशासनले सबै सदस्यहरूलाई एउटै लक्ष्यतर्फ केन्द्रित गराउँछ, जसले पार्टीमा एकता र सहकार्यलाई मजबुत बनाउँछ।
२. पारदर्शिता र विश्वसनीयता:
अनुशासित सदस्यहरूले पार्टीका नियम र नैतिकतामा विश्वास गरेर कार्य गर्छन्, जसले पार्टीलाई जनतामा विश्वसनीय बनाउँछ।
३. नेतृत्वलाई बलियो बनाउन:
अनुशासनका कारण नेतृत्वलाई निर्णय लिन र रणनीति लागू गर्न सजिलो हुन्छ। अनुशासन नभए नेतृत्व कमजोर हुन्छ।
४. सामाजिक सन्देशको प्रवाह:
अनुशासित पार्टीले समाजमा सकारात्मक सन्देश दिन्छ र नागरिकहरूलाई अनुकरणीय उदाहरण प्रस्तुत गर्छ।
५. द्वन्द्व व्यवस्थापन:
अनुशासनले पार्टीभित्र हुने आन्तरिक विवादहरूलाई नियन्त्रण गर्न र समाधान गर्न सहयोग पुर्याउँछ।
६. लक्ष्यप्राप्ति:
पार्टीका सदस्यहरू जब अनुशासनमा रहेर काम गर्छन्, तब उनीहरूले निश्चित समयमा लक्ष्य हासिल गर्न सक्छन्।
अनुशासनको अभावले पार्टीभित्र द्वन्द्व, अविश्वास र विघटनको अवस्था निम्त्याउन सक्छ। त्यसैले, कुनै पनि पार्टीको दीर्घकालीन सफलता र स्थायित्वका लागि अनुशासन अत्यावश्यक छ ।
महासचिवको पोष्टमा कमेन्ट गर्दै धेरैले पार्टी नेतृत्व निरङ्कुश बनेको भन्दै आलोचना गरेका छन् । त्यस्तै कतिपयले पार्टी एआइले भन्दा पनि विधानले चलाउन सुझाव दिएका छन् । पार्टीका कमजोरी औल्याउदा सच्चिनुको साटो कमजोरी देखाउनेलाई कारवाही गरिएको भन्दै पार्टी निर्णयको आलोचना समेत गरिएको छ ।
पछिल्लो महाधिवेशनपछि पार्टी गतिबिधिमा सक्रिय नरहेका रावल पार्टी नेतृत्वप्रति सधै आलोचना गरिरहेका थिए । तर केन्द्रीय सदस्यद्वय पाण्डे र तिम्सिनाले भने पार्टी कार्यालय निर्माणका लागि मिनबहादुर गुरुङसँग जग्गा दान लिने निर्णय गलत भएको भन्दै विरोध गरेका थिए । उनीहरुले पार्टी कार्यालय बनाउन कार्यकर्तासँग सहयोग लिएर बनाउन सकिने विकल्प रहेको भन्दै निर्णय फिर्ता लिनुपर्ने धारणा सामाजिक संजालमा राखेपछि दुवैलाई स्पष्टीकरण सोधिएको थियो ।
2024-12-15-07-07-27.gif)
