बक्स अफिसमा गदर-२ को सुनामी जारी, पाँचौं दिनमा नाघ्यो दुई सय करोड

काठमाडौँ । बलिवुड फिल्म गदर–२ ले रिलिजको पाँचौं दिन २ सय करोडको आँकडा पार गरेको छ ।

फिल्मले मंगलबार मात्र भारतीय बक्स अफिसमा ५५ करोड ४० लाख कमाई गर्दै कुल २२८ करोड ९८ लाख भारु कमाई गरेको हो ।

फिल्मले रिलिजको पहिलो दिन ४०.१० करोड, दोस्रो दिन शनिबार ४३.०८ करोड, आइतबार ५१.७० करोड र सोमबार ३८.७० करोड कमाई गरेको थियो ।

त्यस्तै गदर-२ सँगै रिलिज भएको अर्को बलिवुड फिल्म ओएमजी-२ ले अहिलेसम्म ७२ करोड २७ लाख कमाई गरेको छ । फिल्मले मंगलबार १७.१० करोड कमाई गरेको थियो । त्यस्तै फिल्मले पहिलो दिन शुक्रबार १०.२६ करोड कमाई गरेको थियो भने शनिबार १५.३० करोड, आइतबार १७.५५ करोड र सोमबार १२.०६ करोड कमाई गरेको थियो ।