- २०८१ बैशाख १८ मंगलबार
काठमाडौँ । इङल्याण्डले महिला युरो च्याम्पियनसिपको उपाधि जितेको छ । गएराती सम्पन्न फाइनल खेलमा इङल्याण्डले जर्मनीलाई २-१ गोल अन्तरले पराजित गर्दै महिला युरोको उपाधि जितेको हो ।
निर्धारित ९० मिनेटको खेलमा दुवै देशले १-१ गोल गरेपछि खेल ३० मिनेट अतिरिक्त समयमा खेलाइएको थियो ।
इङल्याण्डका लागि खेलको ११०औँ मिनेटमा चलोए केलीले निर्णायक गोल गर्दै उपाधि जिताएकी थिइन् ।
यस अघि खेलको ६२औँ मिनेटमा इङल्याण्डका लागि इला टोनेले शुरुवाती गोल गरेकी थिइन् भने खेलको ७९औं मिनेटमा जर्मनीकी लिना मगुलीले गोल गर्दै खेल बराबरी गरेकी थिइन् ।
योसँगै इङल्याण्डले पहिलो पटक महिला युरोको उपाधि जितेको छ । यस अघि दुई पटक फाइनलमा पुगेको इङल्याण्ड नवौं पटक युरो खेल्दा उपाधि जितेको छ ।
त्यस्तै यस अघि ८ पटक महिला युरोको उपाधि जितेको जर्मनीले यस पटक भने उपविजेतामा चित्त बुझाएको छ ।
