- २०८१ माघ १९ शनिबार
काठमाडौँ । युइएफए च्याम्पियन्स लिगको राउण्ड १६ मा अघिको प्लेअफको ड्र गरिएको छ ।
राउण्ड १६ मा पुग्न १६ क्लब प्लेअफमा खेल्दै छन् । प्लेअफ खेल्न छनौट भएका क्लबमा एटलान्टा, बोरुसिया डोर्टमण्ड, रियल म्याड्रिड, बायर्न म्युनिख, एसी मिलान, पीएसभी इन्डहोभेन, पिएसजी, बेनिफिका, मोनाको, ब्रेस्ट, फेयर नोर्ड, युभेन्टस, सेल्टिक, म्यानचेस्टर सिटी, स्पोर्टिंग सिपि र क्लब ब्रुगे रहेका छन् ।
युइएफएले शुक्रबार गरेको प्लेअफको ड्र अनुसार रियल म्याड्रिडले म्यानचेस्टर सिटी प्रतिद्वन्दी पाएको छ । अब यस सिजनको च्याम्पियन्स लिगमा दुई पुर्व च्याम्पियन रियल म्याड्रिड र म्यानचेस्टर सिटी मध्ये एक क्लब मात्र अगाडी बढ्ने छ ।
त्यस्तै प्लेअफमा पिएसजीले ब्रेस्टको सामना गर्ने छ भने एटलान्टाले क्लब ब्रुगेको सामना गर्ने भएको छ । त्यसैगरी प्लेअफमा युभेन्टस र पीएसभी एन्ढोभेन, एसी मिलान र फेयेनोर्ड, बायर्न म्युनिख र सेल्टिक, स्पोर्टिंग सिपि र बुरुसिया डोर्टमण्ड तथा बेनिफिका र मोनाको खेल्ने भएका छन् ।
त्यस्तै राउण्ड १६ मा ८ क्लबले आफ्नो स्थान सुरक्षित गरेका छन् । राउण्ड १६ मा आफ्नो स्थान सुरक्षित गरेका क्लबमा लिभरपुल, बार्सिलोना, आर्सनल, इन्टर मिलान, एटलेटिको म्याड्रिड, बायर लिभरकुसन, लिले र एस्टन भिल्ला रहेका छन् ।
प्लेअफका खेल होम एण्ड अवेका आधारमा खेलिने छ । प्लेअफको पहिलो लिग फेब्रुअरी ११/१२ मा तथा दोस्रो लिग फेब्रुअरी १८/१९ मा हुने छ ।
2024-12-15-07-07-27.gif)
