- २०८१ माघ ८ मंगलबार
काठमाडौँ । विवेक रामास्वामी डोनाल्ड ट्रम्पको सरकारी दक्षता विभागको हिस्सा नहुने भएका छन् ।
विवेक रामास्वामीले सरकारी दक्षता विभागको जिम्मेवारीबाट राजीनामा दिएका छन् । ट्रम्पले यसअघि सरकारको दक्षता विभागको नेतृत्व गर्न एलन मस्कसँगै विवेक रामास्वामीलाई छनोट गरेका थिए ।
विवेक रामास्वामीको राजीनामाको कारणबारे विस्तृतमा बताउँदै, सरकारी दक्षता विभागकी प्रवक्ता अन्ना केलीले रामास्वामीले विभागमा महत्वपूर्ण योगदान पुर्याएको जानकारी दिदै अब उनले ओहायोको गभर्नर पदको लागि उम्मेदवारी दिने आफ्नो मनसाय व्यक्त गरेकोले विभाग छोडेको स्पष्ट गरेकी हुन् ।
भारतीय-अमेरिकी उद्यमी विवेक रामास्वामी राष्ट्रपति चुनाव लड्ने निर्णय गर्ने पहिलो व्यक्ति थिए । उनले रिपब्लिकन पार्टीबाट पनि उम्मेदवारी दर्ता गराए । यद्यपि, उनले अब ओहायोको गभर्नरको लागि चुनाव लड्ने आफ्नो मनसाय व्यक्त गरेका छन् । त्यसैले ट्रम्पले राष्ट्रपतिको रूपमा शपथ लिएको केही घण्टापछि नै विवेक रामास्वामीले सरकार दक्षता विभागबाट राजीनामा दिएका छन् ।
भारतीय मूलका विवेक रामास्वामी बायोटेक व्यवसायमा एक परिचित अनुहार हुन् । रामास्वामीले औषधि विकास गर्ने बायोटेक कम्पनी रोइभेन्ट साइन्सेस चलाउँछन् । उनले २०१६ को सबैभन्दा ठूलो बायोटेक्नोलोजी फर्म मायोभान्ट साइन्सेस स्थापना गरेका थिए । अप्रिलमा कम्पनी स्थापना गरेपछि, उनले प्रोस्टेट क्यान्सरको औषधि र महिला बाँझोपनको औषधिको लागि ताकेदा फार्मास्युटिकल्ससँग सम्झौता गरेका थिए ।
उनी बायोफार्मा क्षेत्रमा धेरै अन्य कम्पनीहरूका संस्थापक पनि हुन्, जसमा मायोभेन्ट साइन्सेस, युरोभेन्ट साइन्सेस, एन्जिभेन्ट थेराप्युटिक्स, अल्टाभेन्ट साइन्सेस र स्पाइरोभेन्ट साइन्सेस समावेश छन् । ३७ वर्षीय दोस्रो पुस्ताका भारतीय अमेरिकीले छोटो समयमा नै बायोटेक क्षेत्रमा आफ्नो नाम कमाएका छन् । उनी २०१५ मा फोर्ब्स पत्रिकाको आवरणमा चित्रित भएका थिए । फोर्ब्स पत्रिकाका अनुसार, २०१४ मा विवेक ३० वर्ष मुनिका धनी उद्यमीहरूको सूचीमा ३०औं स्थानमा थिए। २०१६ मा, उनी ४० वर्ष मुनिका २४औं धनी उद्यमी थिए ।
2024-12-15-07-07-27.gif)
