महिला यू-१९ विश्वकपमा अस्ट्रेलियाको लगातार दोस्रो जित

काठमाडौं । मलेसियामा जारी महिला यू-१९ टी-२० क्रिकेट विश्वकप अन्तर्गत अस्ट्रेलियाले लगातार दोस्रो जित हासिल गरेको छ ।

सोमबार सम्पन्न समुह डी अन्तर्गत अस्ट्रेलियाले बंगलादेशलाई २ विकेटले पराजित गर्दै प्रतियोगितामा लगातार दोस्रो जित हासिल गरेको हो ।

बंगलादेशले दिएको ९२ रनको लक्ष्य पछाएको अस्ट्रेलियाले १९.२ ओभरमा ८ विकेट गुमाएर लक्ष्य पुरा गरेको थियो । यस अघि पहिला ब्याटिंग गरेको बंगलादेशले २० ओभरमा ९ विकेट गुमाउदै ९१ रन बनाएको थियो ।

यो जितपछि अस्ट्रेलियाको २ खेलमा ४ अंक भएको छ र शिर्ष स्थानमा रहेको छ । यस अघि अस्ट्रेलियाले पहिलो खेलमा स्कटल्याण्डलाई पराजित गरेको थियो । त्यस्तै बंगलादेशको २ खेलमा २ अंक रहेको छ र समुहमा दोस्रो स्थानमा रहेको छ । बंगलादेशले यस अघि पहिलो खेलमा नेपाललाई पराजित गरेको थियो ।

यस समुह अन्तर्गत अआज केहि बेरमा नेपाल र स्कटल्याण्डबीच खेल हुदै छ ।