घरेलु मैदानमा ब्राइटनसँग म्यानचेस्टर युनाइटेडको लज्जास्पद हार

काठमाडौँ । म्यानचेस्टर युनाइटेडले घरेलु मैदानमै ब्राइटनसँग लज्जास्पद हार बेहोरेको छ ।

इङलिश प्रिमियर लिग अन्तर्गत आइतबार राति सम्पन्न खेलमा म्यानचेस्टर युनाइटेड ब्राइटनसँग ३-१ गोल अन्तरले पराजित भएको हो ।

ब्राइटनको जितमा यानकुबा मिनतेह, कारोउ मिटोमा र जर्जिनियो रटरले एक एक गोल गरेका थिए । त्यस्तै म्यानचेस्टर युनाइटेडका लागि एक गोल ब्रुनो फर्नानडेजले गरेका थिए ।

यो जितपछि ब्राइटन लिगमा २२ खेलमा ३३ अंकसहित नवौं स्थानमा उक्लिएको छ ।

त्यस्तै म्यानचेस्टर युनाइटेडको भने यस सिजनमा यो १०औं हार हो । २२ खेलमा २६ अंक रहेको म्यानचेस्टर युनाइटेड लिगमा १३औं स्थानमा रहेको छ ।