आर्सनललाई हराउदै म्यानचेस्टर युनाइटेड एफए कपको चौथो चरणमा

काठमाडौँ । म्यानचेस्टर युनाइटेड एफए कपको चौथो चरणमा पुगेको छ ।

गएराती सम्पन्न खेलमा म्यानचेस्टर युनाइटेडले आर्सनललाई पेनाल्टी सुटआउटमा ५-३ गोल अन्तरले पराजति गर्दै चौथो चरणमा पुगेको हो ।

निर्धारित ९० मिनेट र अतिरिक्त ३० मिनेटमा खेल १-१ गोलको बराबरीमा सकिएपछि खेलको निर्णय पेनाल्टी सुटआउटबाट भएको थियो ।

९० मिनेटको खेलमा म्यानचेस्टर युनाइटेडका लागि ब्रुनो फेर्नानडेजले शुरुवाती गोल गरेका थिए भने आर्सनलका लागि गाब्रियल मागालहाजले एक गोल गरेका थिए ।

यस खेलमा खेलको ७०औ मिनेटमा आर्सनलले पाएको पेनाल्टी मिस गर्दा खेल जित्ने अवसर गुमाएको थियो ।

त्यस्तै यस खेलको ६१औ मिनेटमा म्यानचेस्टर युनाइटेडका डिओगो डालोटले दोहोरो पहेलो कार्ड पाएपछि रातो कार्ड पाउदा म्यानचेस्टर युनाइटेड १० खेलाडीमा सिमित भएको थियो ।

त्यस्तै अब चौथो चरणमा म्यानचेस्टर युनाइटेड लेस्टर सिटीसँग खेल्ने छ ।