च्याम्पियन्स ट्रफी खेल्ने अफगानिस्तानको टिमको घोषणा

काठमाडौँ । अफगानिस्तानले आइसीसी च्याम्पियन्स ट्रफीका लागि १५ सदस्यीय टिमको घोषणा गरेको छ ।

फेब्रुअरीमा हुने च्याम्पियन्स ट्रफीका लागि अफगानिस्तानले हशमतुल्लाह शाहिदीको कप्तानीमा १५ सदस्यीय टिमको घोषणा गरेको हो ।

अफगानिस्तानको टिममा हशमतुल्लाह शाहिदी (सी), इब्राहिम जद्रान, रहमानउल्लाह गुरबाज, सेदिकुल्लाह अटल, रहमत शाह, इक्राम अलीखिल, गुलबादिन नाइब, अजमातुल्लाह ओमरजाई, मोहम्मद नाबी, राशिद खान, एएम गजानफर, नूर अहमद, फजलहक फारुकी, फरीद मलिक र नाविद जदरान रहेका छन् ।  

अफगानिस्तान च्याम्पियन्स ट्रफीमा समुह बी मा रहेको छ । जसमा अफगानिस्तानसहित दक्षिण अफ्रिका, इङल्याण्ड र अस्ट्रेलिया रहेका छन् । अफगानिस्तानले २१ फेब्रुअरीमा दक्षिण अफ्रिकाविरुद्ध कराचीमा, २६ फेब्रुअरीमा इङल्याण्डविरुद्ध लाहोरमा र २८ फेब्रुअरीमा अस्ट्रेलियाविरुद्ध लाहोरमा खेल्ने छ ।