म्यानचेस्टर युनाइटेडको हारको सिलसिला जारी

काठमाडौँ । इङलिश प्रिमियर लिगमा म्यानचेस्टर युनाइटेडले अर्को हार बेहोरेको छ ।

गएराती सम्पन्न खेलमा म्यानचेस्टर युनाइटेडले न्यूक्यासल युनाइटेडसँग २-० को हार बेहोरेको हो ।

न्यूक्यासलको जितमा अलेजण्डर इसक र जोएलिंटनले एक एक गोल गरेका थिए ।

यो जितपछि न्यूक्यसल युनाइटेड १९ खेलमा ३२ अंकसहित लिगको पाँचौं स्थानमा उक्लिएको छ ।

त्यस्तै म्यानचेस्टर युनाइटेडको भने यस सिजनमा यो नवौं हार हो । यो हारपछि १९ खेलमा २२ अंक रहेको म्यानचेस्टर युनाइटेड १४औ स्थानमा झरेको छ ।