जय ट्रफीको खेल तालिका सार्बजनिक, चार टिमले भाग लिदै

काठमाडौँ । नेपाल क्रिकेट संघ (क्यान) ले जय ट्रफीको घोषणा गरेको छ । जनकपुर र पर्सामा आयोजना हुने जय ट्रफीमा चार टिमले भाग लिदै छन् ।

रातो बलबाट खेलिने यस प्रतियोगितामा चार टिमले भाग लिदै छन् भने लिग चरणका खेलहरु दुई दिने फर्म्याटमा खेलिने छ भने फाइनल खेल तीन दिने फर्म्याटमा खेलिने छ । भाग लिने टिममा मधेश प्रदेश, बागमती प्रदेश, नेपाल पुलिस क्लब र त्रिभुवन आर्मी क्लब रहेका छन् ।

क्यानले सार्बजनिक गरेको खेल तालिकाअनुसार जनवरी ५ र ६ मा मधेस प्रदेश र बागमती प्रदेश जनकपुरमा खेल्ने छन् भने जनवरी ५ र ६ मै नेपाल पुलिस क्लब र त्रिभुवन आर्मी क्लब पर्सामा खेल्ने छन् । त्यसपछि जनवरी ८ र ९ मा त्रिभुवन आर्मी क्लब र बागमती प्रदेश जनकपुरमा खेल्ने छन् भने जनवरी ८ र ९ मै मधेश प्रदेश र नेपाल पुलिस क्लब पर्सामा खेल्ने छन् ।

त्यसपछि जनवरी ११ र १२ मा नेपाल पुलिस क्लब र बागमती प्रदेश जनकपुरमा खेल्ने छन् भने जनवरी ११ र १२ मा त्रिभुवन आर्मी क्लब र मधेश प्रदेश पर्सामा खेल्ने तालिका क्यानले सार्बजनिक गरेको छ ।

त्यस्तै शिर्ष दुई स्थानमा रहेका टिमले जनवरी १४ देखि १६ सम्म पर्सामा फाइनल हुने क्यानले जनाएको छ ।