सशस्त्र प्रहरी र नेपाली सेनाबीच मैत्रीपूर्ण हक्की खेल सम्पन्न

काठमाडौँ । सशस्त्र प्रहरी बल नेपाल नं. १९ बगलामुखी विशेष कार्यदल गण हल्चोक काठमाडौँमा पुस ६ गते मैत्रीपूर्ण हक्की खेल सम्पन्न  भएको छ ।

निकट भविष्यमा सञ्चालन हुन गइरहेको दशौँ राष्ट्रिय खेलकुद प्रतियोगिताको हक्की विधामा सशस्त्र प्रहरी बल नेपालका खेलाडीहरुलाई पनि सहभागी गराउने उद्देश्यले देशभरका इकाईहरुबाट खेलाडी छनौट गरी गत साउन १७ गतेदेखि नं. १९ बगलामुखी विशेष कार्यदल गणमा हक्की खेल प्रशिक्षण कार्य भइरहेको छ ।

गणमा प्रशिक्षणमा रहेको हक्की टिम र नेपाली सेनाको हक्की टिमबीच भएको मैत्रीपूर्ण खेलमा नेपाली सेनाको टिम २-० ले बिजयी भएको छ।

कार्यक्रममा प्रमुख अतिथि बागमती प्रदेश खेलकुद विकास परिषद्का सदस्य सचिव दिपक लामा, संघका पदाधिकारी, नेपाली सेना र सशस्त्र प्रहरी बल नेपालका सिनियर अधिकृत, जुनियर अधिकृत तथा बिल्लादार जवानहरुको उपस्थिति रहेको थियो ।