नेपाललाई हराउदै बंगलादेश एशिया कपको फाइनलमा

काठमाडौँ । बंगलादेशले नेपाललाई पराजित गर्दै महिला यू-१९ एशिया कपको फाइनलमा पुगेको छ । शुक्रबार सुपर फोर अन्तर्गतको खेलमा बंगलादेशले नेपाललाई ९ विकेटले पराजित गरेको हो ।

नेपालले दिएको ५५ रनको लक्ष्य पछाएको बंगलादेशले ९.५ ओभरमा एक विकेट गुमाउदै लक्ष्य पुरा गरेको थियो ।

यो खेल बर्षाले प्रभावित भएपछि ११-११ ओभर खेलाइएको थियो । 

यसअघि नेपालले टस हारेर पहिला ब्याटिंग गर्दै ११ ओभरमा ८ विकेट गुमाएर ५४ रन मात्र बनाएको थियो  । नेपालका लागि सावित्री धामीले सर्बाधिक ११ रन बनाएकी थिइन् भने अन्य ब्याटरले दोहोरो अंकमा रन बनाउन असफल भएका थिए ।
जितसँगै अब बंगलादेशले फाइनलमा भारतसँग खेल्ने भएको छ । भारत यसअघि नै फाइनलमा पुगीसकेको छ । फाइनल खेल आइतबार हुदै छ । नेपाल भने प्रतियोगितामा तेस्रो भएको छ ।